قريوش الصدفة

قريوش الصدفة

المقادير :

للعجينة الاولى نحتاج :
كاسين و نصف فرينة
ربع كاس سمن ذايب و سخون 
رشة ملح 
نصف ملعقة صغيرة فانيليا 
نخلطت كل المكونات مع بعض و نلمها بحوالي نصف كأس ماء زهر حتى نتحصل على عجينة يابسة شوي حتى تساعدني في الشغل 
العجينة الثانيةنحتاج :
كاس و نص فرينة 
ملعقتين كبار سمن ذايب 
نص كاس مارغرين عادية ذايبة 
رشة ملح 
رشة فانيليا

طريقة التحضير:
نلمهم مع بعض حتى نتحصل على عجينة مجمولة 
نقسم كل نوع عجينة الى 6 كور نحل كرة من العجينة رقم واحد و نحط فيها كرة عجين من رقم 2 و نقفل عليها مليح ونكمل كل الكور نتحصل على 6 كور كبيرة نغطيها بكيس و نخبيها تريح ساعة كاملة بعدها نحل كرة عجين على شكل مستطيل و ندهنها زبدة توريق حوالي 80 غ خلطت معاها ملعقتين كبار مايزينة ندهن المستطيل تاعي و نلفها نتحصل على حربوش نحطو بالطول و نحلو مهمة هذه الخطوة و نتحصل على مستطيل طويل لكن مش عريض بزاف حوالي 12 سم عرضو نلفو نتحصل على حربوش عريض و قصير نجيب سكين و نقطعو حلقات سمكها 1سم و نحل كل حلقة الى قرص و نقفلو مثل ما نشكل حبة السوفليه و نقفلو مليح من الاطراف و ملاحظة مهمة ما نحشيهاش باي شي لان الحشو راح يخرج من الفتحات و يتوسخ الزيت و نقليها في زيت سخون على نار هاجية حتى تاخذ اللون الذهبي نرفدها برفق و نحطها في مصفاة نتخلص من الزيت الزايد و من بعد في العسل و نزينها بجلجلانية و شهية طيبة

Ça pourrait vous intéresser

Boules de neige
Boules de neige

Idéal pour accompagner le café.

Gâteau el maadjoune
Gâteau el maadjoune

Gateau el maadjoune qui a bercé notre enfance

Halwat Lambout
Halwat Lambout

Gâteaux facile à préparer et idéale avec un café au lait.