صابلي الليمون

صابلي الليمون

المقادير :

  • 500غ زبدة.
  • كاس و نص سكر ناعم حوالي 230 غ.
  • 3 صفار بيض.
  • حبة ليمون اخضر و عصير حبة كبيرة ليمون.
  • نص كيس خميرة.
  • كاس نشاء.

كريمة الزبدة :

  • 250 غ زبدة طرية.
  • 100غ حلوة ترك.
  • زوج ملاعق كبار زيت.

طريقة التحضير:

500غ زبدة مع كاس و نص سكر ناعم حوالي 230 غ نخفقهم مع بعض حتى نتحصل على كريمة نضيف 3 صفار بيض و برش حبة ليمون اخضر و عصير حبة كبيرة ليمون و نص كيس خميرة و كاس نشاء نخلط كل المكونات و نشيح بالفرينة حتى نتحصل على عجينة مليحة مش يابسة نغطيها بكيس و نحطها في الثلاجة مدة نصف ساعة نرش فرينة و نحلها نطبعها الطابع لي نحب انا جرت مربع و مثلث نطيبهم 180 درجة و كي يبرد نلصق كل زوج بكريمة الزبدة و نمرر الاطراف في مربى مخفف بماء الزهر و نمررهم في نواد كوكو محمص و الوسط نملاه بقلاصاج ليمون كنت حضرتو من عصير ليمون و سكر ناعم و شوي ملون اصفر و نزينها بببيونة صغيرة.

كريمة الزبدة :

كريمة الزبدة درتها مع حلوة الترك خفقت 250 غ زبدة طرية مع 100غ حلوة ترك حتى صارت كريمة زدتلها زوج ملاعق كبار زيت و خفقت شوي باش تجي خفيفة و استخدمتها.








Ça pourrait vous intéresser

Boules de neige
Boules de neige

Idéal pour accompagner le café.

Gâteau el maadjoune
Gâteau el maadjoune

Gateau el maadjoune qui a bercé notre enfance

Halwat Lambout
Halwat Lambout

Gâteaux facile à préparer et idéale avec un café au lait.